പ്ലസ്ടുപഠനകാലത്തെ ആ മലയാളം ക്ലാസ്സിൽ ബഷീറിന്റെ 'ബാല്യകാലസഖി' ആണ് ടീച്ചർ പഠിപ്പിച്ചു കൊണ്ടിരുന്നത്. പുസ്തകം കൈയിൽ കിട്ടിയ അന്ന് മുതൽ വായിച്ചു വായിച്ചു കാണാപ്പാഠം ആണെങ്കിലും ക്ലാസിൽ ടീച്ചർ പഠിപ്പിക്കുന്നത് ഒരു ആകാംക്ഷയോടെ കേട്ടിരിക്കും. മജീദിന്റെയും സുഹ്റയുടെയും സൗഹൃദവും പ്രണയവും ജീവിതവുമൊക്കെ മുന്നിലൊരു നാടകം കാണുന്ന പോലെ സങ്കൽപ്പിക്കും. ! അങ്ങനെ, സുഹറയും മജീദും ബാല്യചാപല്യങ്ങളിൽ നിന്ന് കൗമാരകൗതുകങ്ങളുടെ തീരത്തേക്ക് നടന്നടുക്കുകയാണ്. അന്നത്തെ ക്ലാസ്സിൽ അവർ തമ്മിലുള്ള പ്രണയത്തിന്റെ കൂടുതൽ ഇഴുകിച്ചേരലിലേക്ക് എത്തിച്ചേരും.. !! ടീച്ചർ ക്ലാസ്സിൽ എത്തി. ധൃതിയിൽ ബുക്കെടുത്തു. സാധാരണ ഓരോരുത്തരെയും കൊണ്ട് വായിപ്പിച്ചിട്ട് വിശദീകരിക്കുന്ന രീതിയാണ്. അന്ന് പതിവില്ലാതെ നേരെ വിശദീകരണത്തിലേക്ക് കടന്നു. ഏകദേശം അതിങ്ങനെ ആയിരുന്നു "അങ്ങനെ സുഹറയും മജീദും ബാല്യകാലം കഴിഞ്ഞു കൗമാരത്തിലേക്ക് കടന്നു. ഇനി അവരുടെ ജീവിതത്തിൽ ഉണ്ടാകുന്ന പല മാറ്റങ്ങളും ഒക്കെയാണ് ഈ അദ്ധ്യായം. അത് നിങ്ങൾ തനിയെ വായിച്ചു നോക്കിയാൽ മതി. അടുത്ത അദ്ധ്യായം നോക്കൂ.. "🙄🙄 ആർക്കും പ്രത്യേകിച്ചൊന്നും തോന്നിയില്ല, ഒരു നി...